Spíralaskál

KVEIKJA

Byrjað er á að velja skál til að móta eftir. Það getur verið plast-, tré- eða glerskál, helst ekki minni en 12 cm breið og 6 cm há.

Skálin er sett á hvolf á viðarplötu eða spónaplötu og léreftsbútur lagður yfir hana. Skálin má alveg vera stærri en þá þarf meira magn af leir en gefið er upp hér að ofan.

Leirinn er hnoðaður og u.þ.b. 400 gramma klumpur tekinn til að móta úr. Klumpurinn er skorinn niður í litla búta, bútunum er rúllað upp í 10–12 cm lengjur, sem eru 1 cm að breidd. Rúllið í 5 til 6 lengjur til að byrja með, ekki of margar því þær þorna fljótt.

Fyrsti spírallinn er lagður efst á skálina, þ.e. botninn sem er á hvolfi, og næsti þar við hliðina og raðið þeim svo áfram koll af kolli allan hringinn alveg niður að spónaplötu. Leggja á hvern spíral aðeins ofan á þann næsta og ýta þétt á svo að þeir límist saman. Undir lokin er í lagi að spíralarnir séu ekki allir jafn langt frá plötunni.

Spíralaskálin er látin þorna á léreftinu ofan á skálinni í hálfan til einn dag. Þá er hún tekin af og snúið við og látin þorna í nokkra daga fyrir hrábrennslu eða þar til hún er alveg þurr.

Nú er búið að hrábrenna skálina og þá er hægt að glerja hana alla í einum lit eða mála hana með leirlit, sjá bls. 46–47 í bókinni

Leirmótun-keramik fyrir alla. Því næst er hún glerjuð með glærum glerungi, óski nemandinn þess. Hér er hins vegar valið að draga fram spíralamynstrið með því að mála með járnoxíði, bls. 45–46, yfir alla skálina með frekar hörðum pensli.

Járnoxíðið er síðan þvegið af með rökum svampi. Með þessu móti verða línurnar í skálinni sýnilegri.

Ef skálin er ekki of blaut eftir járnoxíðsþvottinn er hægt að glerja hana strax, annars verður að bíða þar til hún er vel þurr svo að glerungurinn setjist betur á hana. Hér er málað með þunnum gulum pensilglerungi, sjá bls. 50, misjafnlega margar umferðir yfir hvern spíral til að fá litinn misjafnlega þykkan. Hér er búið að brenna skálina með gula glerungnum og aðra með koparlituðum glerungi við 1060 °C. Takið eftir hvað járnoxíðið dregur fram formLögun sýnilegra forma geta bæði verið geometrísk eða lífræn. Form geta bæði verið huglæg og sýnileg. Huglæg form birtast ekki á myndfletinum heldur eru þau formin sem við sjáum fyrir okkur sem form, þegar augun mynda línur á milli mismunandi eininga á myndfletinum. Form hafa ólíka liti og ólíka áferð. More spíralanna.