Skórinn minn – frá hlið, ofan frá og undir

Nemendur teikna skó út frá mismunandi sjónarhorni og kynnast möguleikum línunnar.

Sameiginleg hæfniviðmið fyrir list- og verkgreinar

Við lok 7. bekkjar getur nemandi t.d.:

• útskýrt og sýnt vinnuferli sem felur í sér þróun frá hugmynd til afurðar,
• hagnýtt leikni og þekkingu sem hann hefur öðlast til að takast á við fjölbreytt viðfangsefni,
• haft sjálfbærni að leiðarljósi í vinnu sinni,
• gert grein fyrir menningarlegu hlutverki list- og verkgreina,
• gert grein fyrir helstu hugtökum sem tengjast viðfangsefni hans,
• sýnt ábyrga og örugga umgengni við vinnu og frágang á vinnusvæði,
• lagt mat á eigin verk og sýnt skilning á vönduðum vinnubrögðum.

Hæfniviðmið fyrir sjónlistir

Við lok 7. bekkjar getur nemandi t.d.:

• notað mismunandi efni, verkfæri og miðla á skipulagðan hátt í eigin sköpun,
• nýtt sér grunnþætti myndlistar í eigin sköpun,
• unnið hugmynd frá skissu að lokaverki bæði fyrir tví- og þrívíð verk,
• byggt eigin listsköpun á hugmyndavinnu tengdri ímyndun, rannsóknum og reynslu,
• beitt hugtökum og heitum sem tengjast aðferðum verkefna hverju sinni,
• fjallað um eigin verk og verk annarra í virku samtali við aðra nemendur,
• greint og fjallað um áhrif myndmáls í umhverfinu og samfélaginu.

Byrjað er á smá tilraun. Nemendur fá lítil skissublöð og blýanta. Kennarinn stillir upp einföldum hlut (s.s. könnu eða bolla) fyrir framan þau. Hver og einn sér hlutinn frá sínu sjónarhorni. Nemendur eru beðnir um að teikna hlutinn og það á eingöngu að teikna hann á ca. 1-3 mínútum. Myndirnar eru síðan settar upp á töflu og skoðaðir í sameiningu. Flestir hafa líklegast teiknað hlutinn eins og þeir sjá hann fyrir sér í huganum (skematísk teikningSú grein myndlistar sem byggir á því að dregnar eru línur á slétt undirlag, oftast pappír, með hjálp blýants, penna, krítar eða annars áhalds sem skilur eftir sig spor. Áhersla er lögð á útlistun forma frekar en notkun lita. Teikningar eru oft einlitar eða með mjög takmarkaðan litaskala. More) og hafa ekki tekið tillit til þess hvernig hluturinn leit út frá þeirra sjónarhorni. Ef einhver hefur hins vegar teiknað hlutinn eins og hann lítur út frá hans sjónarhorni má nota þá mynd til að útskýra muninn á því að teikna það sem heilinn sér eða það sem augað sér.

Ef tími er til, eru nemendur beðnir um að teikna útlínurSvartar línur utan um form eða hluti, til dæmis í teiknimyndasögum. More hlutarins með því að fylgja útlínum hans með augunum og án þess að líta á blaðið (e. blind contour drawing).

Að lokum er nemendum sagt að í aðalverkefninu þ.e. skóverkefninu eigi að teikna með augunum en ekki heilanum. Teikna á útlínurSvartar línur utan um form eða hluti, til dæmis í teiknimyndasögum. More skósins og allar línur og smáatriðiAðalatriði og smáatriði vísar í myndefnið og hvernig það er unnið. Aðalatriði er það sem augað nemur fyrst. Smáatriði eru mjög mikilvæg þegar heildin er skoðuð. Þau geta t.d. falist í nákvæmri litanotkun, teikningu, áferð eða endurtekningu. More sem þeir sjá á skónum. Nemendur teikna skóinn frá þremur hliðum: ofan frá, neðan frá og frá hlið. Frá þessum hliðum eru ekki neinar styttingar (kennari metur hvort hann vilji að nemendur teikni frá öðrum sjónarhornum þar sem e.t.v. koma fram styttingar).

Hvernig getum við séð sama hlutinn í nýju ljósi?

Form – veggspjald í myndmennt

Litir – veggspjald í myndmennt

Rými – veggspjald í myndmennt

Kveikjur fyrir skapandi skólastarf

Leitarorð: contour drawing | contour shoe drawing