Fígúrur með hvítum útlínum

Nemendur teikna einfaldar fígúrur með tvöföldum útlínum.

Sameiginleg hæfniviðmið fyrir list- og verkgreinar

Við lok 7. bekkjar getur nemandi t.d.:

• útskýrt og sýnt vinnuferli sem felur í sér þróun frá hugmynd til afurðar,
• hagnýtt leikni og þekkingu sem hann hefur öðlast til að takast á við fjölbreytt viðfangsefni,
• haft sjálfbærni að leiðarljósi í vinnu sinni,
• gert grein fyrir menningarlegu hlutverki list- og verkgreina,
• gert grein fyrir helstu hugtökum sem tengjast viðfangsefni hans,
• sýnt ábyrga og örugga umgengni við vinnu og frágang á vinnusvæði,
• lagt mat á eigin verk og sýnt skilning á vönduðum vinnubrögðum.

Hæfniviðmið fyrir sjónlistir

Við lok 7. bekkjar getur nemandi t.d.:

• notað mismunandi efni, verkfæri og miðla á skipulagðan hátt í eigin sköpun,
• nýtt sér grunnþætti myndlistar í eigin sköpun,
• unnið hugmynd frá skissu að lokaverki bæði fyrir tví- og þrívíð verk,
• byggt eigin listsköpun á hugmyndavinnu tengdri ímyndun, rannsóknum og reynslu,
• beitt hugtökum og heitum sem tengjast aðferðum verkefna hverju sinni,
• fjallað um eigin verk og verk annarra í virku samtali við aðra nemendur,
• greint og fjallað um áhrif myndmáls í umhverfinu og samfélaginu.

Ræðið við nemendur um mismunandi gerðir af línum og hvaða hlutverki þær gegna í myndsköpun. Sýnið þeim muninn á brúnum og útlínum (e. edge and outline).

Skoðið dæmi um list þar sem notaðar eru breiðar, áberandi línur, sjá t.d. Keith Haring, mola art, aboriginal art, Hundertwasser og sumar teiknimyndafígúrur.

Benda má á að til þess að búa til hvítar útlínurSvartar línur utan um form eða hluti, til dæmis í teiknimyndasögum. More á hvítu blaði þarf að byrja á að teikna tvöfaldar útlínurSvartar línur utan um form eða hluti, til dæmis í teiknimyndasögum. More með blýanti. Best er að velja sér einfalt myndefniÞað sem listamaður velur að mála hverju sinni. Einnig kallað mótíf. More, einfalda fígúru sem ekki er með mikið af smáatriðum og hafa bakgrunn mjög einfaldan.

Ræðið við nemendur um mismunandi gerðir af línum og hvaða hlutverki þær gegna í myndsköpun.

Hvernig eru línur oft notaðar til að afmarka, skilja að og mynda fleti, bæði jákvæða og neikvæða?

Hvernig geta breiðar línur myndað flöt í sjálfu sér?

Leitarorð: edge and outline | mola art | aboriginal art | hundertwasser painting

Form – veggspjald í myndmennt

Litir – veggspjald í myndmennt

Kveikjur fyrir skapandi skólastarf