DISKUR Í PAPPA OG LEIR

Nemendur búa til disk og láta ímyndunaraflið ráða þegar hann er skreyttur.

Hæfniviðmið fyrir sjónlistir
Við lok 4. bekkjar getur nemandi
• nýtt sér í eigin sköpun einfaldar útfærslur sem byggja á færni í meðferð lita- og formfræðiÖll listaverk eru byggð upp úr formum. Þeim er raðað á myndflöt eða í höggmynd og mynda heildstætt listaverk. Formfræði fjallar um tengslin á milli punkta, lína og flata sem mynda listaverkið. Með því að skoða form og tengslin á milli þeirra má læra margt um myndlist. More og
myndbyggingar,
• skapað myndverk í ýmsum tilgangi með margvíslegum aðferðum.

Hæfniviðmið fyrir samfélagsfræði
Við lok 4. bekkjar getur nemandi
• gert sér grein fyrir gildi náttúru og umhverfis og mikilvægi góðrar umgengi,
• tjáð þekkingu sína og viðhorf með ýmsum hætti,
• áttað sig á ýmiss konar afleiðingum athafna sinna.

Hvað er skemmtilegur diskur?
Viljið þið búa til skemmtilega diska, fyrst pappadiska og svo leirdiska?

1.

Fletjið út hnoðaðan leir og sléttið með kökukefli, sjá nánar um plötuaðferð bls. 34 Leirmótun-keramik fyrir alla.

2.-3.

Hringur er skorinn út í leirplötuna, hér er hann um 20 x 20 cm. Þykkt plötunnar má vera 0,8–1,0 cm.

4.

Til þess að lyfta kantinum/brún disksins upp er hann látinn þorna á hring sem er vafinn úr dagblöðum.
Dagblaðahringurinn er settur á spónaplötu og diskurinn þar ofan á og ekki hreyfður fyrr en hann er orðinn þurr. Tekur
u.þ.b. 2–4 daga.

Til að slétta brúnina á diskinum er hún rúnnuð með fingrum eða rökum svampi.
Betra er að diskurinn sé nokkuð þurr (leðurharður) eða alveg þurr þegar málað er á hann. Nokkrir
dagar þurfa því að líða á milli þess sem hann er búinn til þar til hann er málaður. Geymið diskinn á
plötunni undir dagblaðsörk þar til hann er málaður.

5.

Nú er málað með leirlit, sjá bls. 45–47, á diskinn. Hér er allur flöturinn málaður í sama lit, svörtum.

6.

Því næst er myndin sem var teiknuð á blað klippt út og lögð á diskinn og dregin línaLína hefur upphaf og endi í punkti. Hún getur haft fjölbreytta lögun, verið óregluleg og regluleg, bein, hlykkjótt, loðin, áberandi, gróf, fíngerð o.s.frv. More með prjóni eða stórri nál meðfram henni.

7.

Farið eftir prjóninn er aðeins breikkað með prjóninum/nálinni svo að hvíti leirinn undir sjáist betur í gegn.

8.

Diskurinn er því næst hrábrenndur og loks glerjaður með glærum pensilglerung, sjá bls. 50, og síðan gljábrenndur við það hitastig sem glerungurinn leyfir.

Picasso
• Leitarorð „pablo picasso“.
• Verk eftir Picasso má t.d. sjá á vefsíðunni Masterworks Fine Art.
• Umfjöllun um kúbisma á myndmenntavefnum.
Miro
• Leitarorð „joan miro“ og „joan miro museum“.

Annars konar verkefni
Textílmennt – Að vefa utan vefstóls – List á disk