Kennslustundir 1-2

Kennari útbýr með nemendum rannsóknardagbók þar sem hver og einn nemandi fær A2 örk og brýtur hana og klippir á eftirfarandi hátt:

Kennari ræðir við nemendur um hvað hægt er að skoða á ólíkum stöðum. Rætt er um skynfærin, hvað við nemum með ólíkum skynfærum. Hópurinn ræðir hljóð, hreyfingu, áferðÚtlit yfirborðs. Áferð er fjölbreytt, hún getur verið gróf, slétt, loðin, hrjúf o.s.frv. Hægt er að tala um áferð á þrívíðum hlut eins og stein, hraunmola og trékassa. Þá er vísað í snertingu. En það er líka hægt að tala um áferð teikningar og málverks. Þá er vísað í það sem augað sér. (e. texture) More, yfirborð, formLögun sýnilegra forma geta bæði verið geometrísk eða lífræn. Form geta bæði verið huglæg og sýnileg. Huglæg form birtast ekki á myndfletinum heldur eru þau formin sem við sjáum fyrir okkur sem form, þegar augun mynda línur á milli mismunandi eininga á myndfletinum. Form hafa ólíka liti og ólíka áferð. More á gróðri, það sem sést og það sem ekki sést, tilfinningar fyrir stöðum, liti o.s.frv. Kennari ræðir líka hugtakið sjónarhornSjónarhorn vísar í að hægt er að skoða sama hlutinn frá ólíkri staðsetningu. Við getum horft framan frá, aftan frá, neðan frá og frá hlið. Sjónarhorn getur líka vísað í að ólíkar manneskjur séu að horfa á hlutinn t.d. sjónarhorn barns eða sjónarhorn fullorðinna. Þeir sjá hlutina á ólíkan hátt, bæði ef tekið er mið af augunum og líka huganum. More, áhrif tíma á staði og hvaða áhrif manneskjan hefur á staði. Kennari kynnir nemendur fyrir völdum listamönnum, eins og þá sem nefndir eru hér að framan.

Kennari og nemendur útbúa lista yfir þá þætti sem þeir ætla að skoða í rannsóknarferðinni. Mikilvægt er að nemendur upplifi að þeir séu hluti af ákvörðuninni. Hver nemandi velur sér dýr sem sinn fulltrúa til að skoða staðinn. Það getur verið ímyndað furðudýr ef áhugi er á því. Í næstu kennslustund taka nemendur mynd af staðnum út frá sjónarhorni þess dýrs sem þeir völdu. Tilvalið er að vinni þetta verkefni í pörum eða litlum hóp til að fá áhugaverðar umræður.

Kennslustundir 3-4

Kennari og nemendur fara í könnunarleiðangur. Hver nemandi er með rannsóknardagbókina meðferðis, liti, blýant, penna, litakrítar, vaxliti og kol. Gott er að vera með ódýra vatnsliti sem nemendur geta auðveldlega blandað með því að bleyta fingurna og náð niður þeim litum sem höfða til þeirra. Nemendur og kennari rifja upp hvað þeir skráðu á listann í síðustu kennslustund og nemendur vinna í rannsóknardagbókina. Kennari minnir nemendur á að gera tilraunir með ólíkan efnivið. Hann hvetur nemendur til að snerta á hlutum og túlka áferðina og tilfinninguna sem fylgir snertingunni.

Hver nemandi skoðar staðinn út frá sjónarhorni dýrsins sem hann valdi og tekur mynd frá því sjónarhorni. Ef dýrið er hávaxið þá er myndavélin hátt uppi, ef dýrið er lágvaxið þá er sjónarhornið tekið frá jörðinni. Hvar myndi dýrið vilja vera á staðnum? 

Nemendur safna saman í box hlutum sem þeir finna á staðnum, bæði náttúrulegum og aðskotamunum. Nemendur og kennari taka jarðvegssýni (mold, leir, laufblöð, ber o.s.frv.) sem notað verður til listsköpunar í kennslustofu.

Kennslustundir 5-6

Nemendur og kennarar skoða og ræða rannsóknardagbækurnar. Hvað er líkt og hvað er ólíkt í þeim? Nemendur mála myndir af staðnum með rannsóknardagbókina til hliðsjónar. Hver nemandi fær útprent með ljósmyndinni sem þeir tóku af sjónarhorninu. Nemendur nota jarðveginn og gróðurinn sem efnivið. Ef verkefnið er unnið að hausti er hægt að safna grasi og ýmiskonar gróðri og búa til úr því vatnsliti í anda Hildar Bjarnadóttur. Þá er gróðurinn soðinn í vatni. Verkefnið býður upp á samvinnu við heimilisfræði, náttúrufræði og upplýsingatækni.

Kennslustundir 7-8

Kennari útbýr efnisveitu þar sem munirnir sem nemendur komu með úr vettvangsferð eru í lykilhlutverki. Einnig er lögð áhersla á mjúkan leir og ýmiskonar annað efni. Nemendur nota efnisveituna til að búa til dýrið sem þeir unnu með í vettvangsferðinni. Þeir geta ýmist raðað saman efni ofan á myndina sem þeir gerðu í kennslustund 3 eða útbúið þrívítt dýr. Þá getur kennari/nemandi tekur ljósmynd af dýrunum með myndina úr kennslustund 3 sem bakgrunn. Kennari prentar út eina ljósmynd fyrir hvert barn eða nemendur eru með myndina í snjalltæki. Nemendur hengja upp verkin sín og ræða inntak þeirra og nærumhverfi skólans.

Sýning á verkum nemenda getur verið á stafrænu formi og sett á heimasíðu skólans eða stillt upp á ákveðinn stað í skólanum. Bjóða má foreldrum og forráðamönnum á sýningu.