STUTT LÝSING
Verkefnið byggir á markvissri rannsókn á hamskiptum vatns, að vinna listrænt með hvernig vatn verður að ís og þegar vatn gufar upp.
MARKMIÐ
- skapa aðstæður fyrir nemendur að skoða fjölbreytt formLögun sýnilegra forma geta bæði verið geometrísk eða lífræn. Form geta bæði verið huglæg og sýnileg. Huglæg form birtast ekki á myndfletinum heldur eru þau formin sem við sjáum fyrir okkur sem form, þegar augun mynda línur á milli mismunandi eininga á myndfletinum. Form hafa ólíka liti og ólíka áferð. More vatns og kynnast eiginleikum þess.
- sýna hvernig listamenn vinna með vatn
- sjá möguleika á að vinna með vatn og þrjá hami þess: Fast (ís), fljótandi (vökvi) og loftkennt (gufa).
- kynna fjölbreyttar tilraunir og hugmyndavinnu, m.a. gera hreyfimynd (e. stop motion) í samvinnu.
- efla ímyndunarafl.
HÆFNIVIÐMIÐ
Verkefnið stuðlar að því að við lok 7. bekkjar geti nemandi …
- notað mismunandi efni, verkfæri og miðla á skipulagðan hátt í eigin sköpun – unnið sjálfstætt og sýnt áræðni með tilraunum sínum og listsköpun. (Sjónlistir, bls. 149)
- tjáð skoðanir eða tilfinningar í eigin sköpun með tengingu við eigin reynslu – sagt frá verkum sínum og hugmyndum. (Sjónlistir, bls. 149)
- beitt hugtökum og heitum sem tengjast aðferðum verkefna hverju sinni – rætt um vatn og beitt fjölbreyttum hugtökum s.s. heitt, kalt, bráðna, storkna, frjósa, gufa upp, þéttast, fljótandi, ís, vatnsgufa, raki, hamur og hamskipti. (Sjónlistir, bls. 149)
- fjallað um eigin verk og verk annarra í virku samtali við aðra nemendur – útskýrt á einfaldan hátt hvernig unnið var með ólíka fasa vatns og gert grein fyrir muninum á hreinu vatni og menguðu og hvað megi gera til að draga úr vatnsmengun. (Sjónlistir, bls. 149)
INNLÖGN OG KVEIKJA
Nemendum er sýnt myndbandMyndbandið er talið síðasti framúrstefnumiðillinn í listum á 20. öld. Evrópskir og bandarískir listamenn hófu að gera tilraunir með miðilinn á sjöunda áratug tuttugustu aldar. Fyrsta eiginlega myndbandsverkið gerði kóreski myndlistarmaðurinn Nam June Paik (1932-2006) sem nefndur hefur verið faðir vídeólistarinn árið 1965. More með verkum Ólafs Elíassonar (mikið efni til á RUV) þar sem vatn í ólíkum fasa er í lykilhlutverki. Hann hefur m.a. gert gufuverk, gosbrunn, frosið verk og verk í tengslum við bráðnun jökla.
VINNUSTOFA
Vatn
ALDUR
Miðstig
GRUNNÞÆTTIR
Læsi, sjálfbærni, heilbrigði og velferð, lýðræði og mannréttindi, jafnrétti, sköpun
ÞVERFAGLEG TENGING
Náttúrufræði: Læra um muninn á föstu, fljótandi og frosnu vatni.
Samfélagsfræði: Staða vatnsmála í heiminum. Tengja við hlýnun sjávar.
Trúarbragðafræði: Vatn er mikilvægt í öllum trúarbrögðum.
Íslenska/Ritun: Skrifa sögur um vatn. Umræða um ólík nöfn á veðri.
Sund: Ræða uppgufun og hitamismun.
FJÖLDI KENNSLUSTUNDA
6 x 40 mínútur
EFNI OG ÁHÖLD
Fjölbreytt efnisveita með leir, náttúrulegum efnivið, pappír og öðru sem kemur upp í hugann.
Myndavélar (hægt að nota spjaldtölvur og snjallsíma).
Arkitektafígúrur, smádót, legó/playmó fígúrur.
LISTAMENN / HÖNNUN
Ólafur Elíasson
VERKEFNIÐ
Kennslustundir 1–2
Nemendur vinna hugarkort þar sem þau velta fyrir sér ólíkum formum vatns og birtingarmyndum þess. Þau gera tilraunir með hvernig hægt er að ná fram t.d. gufu. Niðurstöðurnar setja þau inn á hugarkortið. Hægt er t.d. að nota hraðsuðuketil en einnig geta þau sett blautt tau í poka og sett á ofn. Þá myndast gufa innan á plastpokann.
Kennslustund 3–7
Kennari ræðir við nemendur um aðstæður í heiminum.
- Af hverju er hafísinn að bráðna?
- Hvað getum við gert til að sporna gegn hlýnun á jörðinni?
Nemendur skissaUppkast að listaverki. More út frá vangaveltum sínum aðstæður sem þau vilja forðast.
Nemendur skissaUppkast að listaverki. More hugmyndir sínar og ræða. Þau gera tilraunir hvernig þau geta náð fram áhrifum ólíks forms vatns.
Kennari varpar fram spurningum til að undirbúa nemendur fyrir myndatöku.
- Hvað viltu segja með ljósmyndinni sem þú tekur?
- Hvaða áhrifum viltu ná fram og hvers vegna?
Kennari skoðar með nemendum myndir eftir listamenn. Dæmi um áhugaverð leitarorð eru: A Small World: Photographs of Mini Toy Figures Posed in the Real World.
Nemendur taka eigin ljósmyndir.
Ljósmyndir eru prentaðar út og ræddar.
Sett er upp sýning á verkum nemenda.
