Fjallið heima – í anda impressjónismans

Nemendur velja sér grunnhugmynd/mótíf s.s. fjall og mála verk í anda impressjónista.

Sameiginleg hæfniviðmið fyrir list- og verkgreinar

Við lok 7. bekkjar getur nemandi t.d.:

• útskýrt og sýnt vinnuferli sem felur í sér þróun frá hugmynd til afurðar,
• hagnýtt leikni og þekkingu sem hann hefur öðlast til að takast á við fjölbreytt viðfangsefni,
• haft sjálfbærni að leiðarljósi í vinnu sinni,
• gert grein fyrir menningarlegu hlutverki list- og verkgreina,
• gert grein fyrir helstu hugtökum sem tengjast viðfangsefni hans,
• sýnt ábyrga og örugga umgengni við vinnu og frágang á vinnusvæði,
• lagt mat á eigin verk og sýnt skilning á vönduðum vinnubrögðum.

Hæfniviðmið fyrir sjónlistir

Við lok 7. bekkjar getur nemandi t.d.:

• notað mismunandi efni, verkfæri og miðla á skipulagðan hátt í eigin sköpun,
• nýtt sér grunnþætti myndlistar í eigin sköpun,
• tjáð skoðanir eða tilfinningar í eigin sköpun með tengingu við eigin reynslu,
• unnið hugmynd frá skissu að lokaverki bæði fyrir tví- og þrívíð verk,
• byggt eigin listsköpun á hugmyndavinnu tengdri ímyndun, rannsóknum og reynslu,
• beitt hugtökum og heitum sem tengjast aðferðum verkefna hverju sinni,
• fjallað um eigin verk og verk annarra í virku samtali við aðra nemendur,
• gert grein fyrir og fjallað um ýmsar stefnur myndlistar með því að bera saman stíla og tímabil tiltekinna verka og sett þau í það menningarlega samhengi sem þau voru sköpuð,
• greint og fjallað um áhrif myndmáls í umhverfinu og samfélaginu.

Hæfniviðmið fyrir náttúrugreinar

Við lok 7. bekkjar getur nemandi t.d.:

Nýsköpun og hagnýting þekkingar

• unnið undir leiðsögn í hópi eftir verkskiptri tímaáætlun við að hanna umhverfi, hlut eða kerfi,

Vinnubrögð og færni

• framkvæmt og útskýrt einfaldar athuganir úti og inni,
  beitt vísindalegum vinnubrögðum við öflun einfaldra upplýsinga innan náttúruvísinda og útskýrt ferlið,
  sett fram og rætt niðurstöður athugana á skýran og skipulegan hátt,
  hlustað á, metið og rætt hugmyndir annarra.

Ábyrgð á umhverfinu

• tekið eftir og rætt atriði í umhverfinu sínu, gert grein fyrir áhrifum þeirra á lífsgæði íbúa.

Að búa á jörðinni

• lýst veðri í heimabyggð og loftslagi á Íslandi.

Ef þú lítur út um glugga á skólastofunni þinni, hvað sérðu? Ef þú sérð fjöll, þá veistu hvaða áhrif árstíðirnar og mismunandi birta hefur á litbrigði þeirra og umhverfið í kring.

Þó að fjall sé útgangspunktur í þessu verkefni þá er að sjálfsögðu hægt að vinna verkefnið án þess. Notast má við hvaða grunnhugmynd/mótíf sem er, hvort sem það er útsýnið út um gluggann á skólastofunni, uppstillingar eða jafnvel náttúruljósmyndir.

Hvað er impressjónismiFrönsk listastefna frá lokum 19. aldar og er oftast talin vera fyrsta nútímalistastefnan. Impressjónískir málarar töldu birtuna mikilvægasta þáttinn í málverki og yfirgáfu vinnustofur sínar og fóru að mála utandyra. Þeir vildu mála hughrifin sem þeir urðu fyrir af umhverfinu á ákveðnu augnabliki. Hin nýja uppfinning, að setja tilbúna olíuliti í túpur, auðveldaði listamönnum slíkt. Fyrir vikið varð litavalið mun bjartara. Þeir máluðu hratt því þeir vildu fanga augnablikið og birtubrigðin. Það þýddi að í myndunum var ekki mikið um smáatriði og pensilförin voru þykk og öll á iði. More?
Hvað einkennir myndirnar sem eru málaðar í þeim stíl?
Hvernig eru línur og áferðÚtlit yfirborðs. Áferð er fjölbreytt, hún getur verið gróf, slétt, loðin, hrjúf o.s.frv. Hægt er að tala um áferð á þrívíðum hlut eins og stein, hraunmola og trékassa. Þá er vísað í snertingu. En það er líka hægt að tala um áferð teikningar og málverks. Þá er vísað í það sem augað sér. (e. texture) More?
Horfðu á eitthvað fyrirbæri í náttúrunni, s.s. fjall, hvernig breytist það eftir því hvort það er dagur eða nótt, sumar eða vetur?

Leitarorð: Berthe Morisot | Claude Monet | Impressionism

Form – veggspjald í myndmennt

Litir – veggspjald í myndmennt

Rými – veggspjald í myndmennt

Kveikjur fyrir skapandi skólastarf